【2025年3月經安老院一站通轉介，入住深水埗區一私營護老院】
「本身外母識自己行，上落樓梯無問題，但跌一跌之後短期內都行唔到，又無自理能力，社工俾左8疊紙叫我地自己去睇同揀(護老院)，我果陣時好傍徨呀，因為第一次搵護老院，都無經驗…」– 女婿梁生
一次跌倒令原來行動自如的陳婆婆失去活動和自理能力，更要立即進行手術，梁生憶述「外母盤骨骨折，左肩都有碎裂，醫生幫佢做咗手術，但之後沖涼、去洗手間、食飯都要人照顧，我地都手足無措，佢住喺唐8樓，行上行落都係大問題，加上屋企咁細個地方，都推唔到個輪椅入廁所。」種種因素令陳婆婆的康復過程極具挑戰性，於是家人便聽從醫生指示為陳婆婆安排護老院，但看著手上超過200間護老院名單，令他們完全無從入手，不知怎著手安排。
於是梁生便在網上尋求其他支援，他提及「我上網見到「安老院一站通」就試吓WhatsApp聯絡，上午登記，下午已經有回覆。個案主任鍾姑娘問我外母情況，我俾咗啲資料佢，第二日已經安排咗3間護老院俾我哋去參觀。」並道﹕「鍾姑娘好細心講解所有入院流程，去到每一間都會提醒我哋有咩要注意同埋綜援批出之後要留意邊一點，即使我地無問，好細微的資料鍾姑娘都有話俾我哋知，成個過程安排得好好，解釋好詳盡。」
為了及早安頓陳婆婆，家人連忙決定護老院安排入住，也察覺入住後陳婆婆反而更為開朗，女兒梁太笑著說:「佢依加返老頑童，同啲老友記玩，有傾有講，又互相分享食物。之前家人忙於返工，成日得佢一個喺屋企對住四面牆，加上返屋企要行好多樓梯，地方細坐唔耐都冇咩人去探佢，而家護老院寬敞啲，啲仔女同孫仲多啲探佢，同佢出去飲下茶。佢有獨立房，有窗有電視機，一日三餐有人餵，姑娘幫手日常護理，佢反而覺得自由自在。」看到陳婆婆這麼精神，相信護老院和家人的陪伴令她減少孤獨感，更積極進行康復。最後，梁生也不忘讚賞「你哋「安老院一站通」做得好好，俾唔識搵護老院嘅人好大幫助，除咗免費轉介護老院，都提供咗好多入住後服務，有咩問題都即刻回覆，係真心想幫我哋，幫老人家，令我哋好安心，外母又住得開心，好多謝你哋呀!」
後記：訪問當天，陳婆婆一直面露笑容，又表達自己住得開心，相信護老院的老友記和姑娘功不可沒，也提醒我們 : 長者最需要的是我們的陪伴。