安老院舍轉介服務 - 個案分享

和所有家人一樣，我們希望每位長者都可以安享晚年。

透過以下真實個案分享，希望大家能夠了解安老院一站通的服務，如何協助長者得到更好的照顧。

個案四十一陳婆婆

【2025年3月經安老院一站通轉介，入住深水埗區一私營護老院】

「本身外母識自己行，上落樓梯無問題，但跌一跌之後短期內都行唔到，又無自理能力，社工俾左8疊紙叫我地自己去睇同揀(護老院)，我果陣時好傍徨呀，因為第一次搵護老院，都無經驗…」– 女婿梁生

【2025年2月經安老院一站通轉介，入住葵涌區一私營護老院】

「爸爸本身冇長期病患，突然有日起身覺得個心翳住抖唔到氣，最後叫救護車入院，我哋驚佢番屋企跌親，加上佢有喉管好難照顧，就決定安排爸爸入住護老院」– 囡囡黃小姐

【2025年2月經安老院一站通轉介，入住元朗區一私營護老院】

「佢對腳無力行唔到，試過喺屋企跌倒，兩個老人家扶對方隨時都會一齊跌…我第一次搵(護老院)，唔知從何入手，唔同人有唔同意見，當時都冇心情睇邊間好邊間唔好…」 - 黃太

【2025年3月經安老院一站通轉介，入住大埔區一私營護老院】

「我都苦惱，因為我先生唔想去護老院，一定要番屋企…長者家黃姑娘好細心咁了解我嘅情況，約咗時間嚟護老院睇一睇，住咗一排，我先生都願意住喺到。」–文太

【2025年3月經安老院一站通轉介，入住土瓜灣區一私護老院】

「我自己搵屋企樓下個啲(護老院)但太貴，老公身體唔好，要洗腎，我冇能力幫助佢，又驚自己記性唔好搞錯咗好大件事…真係感恩長者家幫咗我好多。」–何太

【2024年9月經安老院一站通轉介，入住油尖旺區一私營護老院】

「爸爸有認知障礙，唔識番屋企，又會掉嘢落街，有好多危險性……入咗護老院，照顧員都好氹佢，比我想像中適應得快，張姑娘都會問下爸爸住成點，係好窩心嘅行動。」– 囡囡 Jessica

【2024年8月經安老院一站通轉介，入住深水埗區一私營院舍】

「舊院舍年年加院費，幾年夾埋都加到成萬蚊，負擔太重啦……宜家過咗嚟新院，租金每個月平咗一千蚊之餘，姑娘同服務都好好，最重要係佢住得開心。」– 前妻陳女士

【2024年2月經安老院一站通轉介，入住觀塘區一私營院舍】

「爸爸跌倒後，起唔到身，需要人照顧……我又要返工啦，屋企其他兄弟姊妹又結咗婚，變咗照顧方面就有啲困難。」

【2023年8月經安老院一站通轉介，入住觀塘區一私營院舍】

「我老公扭親隻腳、碎咗骨，喺醫院卧床差唔多3個月，出院後變得行動唔方便，如果要我全天候顧佢，我諗我體力都唔得。」

【2021年10月經安老院一站通轉介，入住牛頭角區一私營院舍】

「爸爸身體情況未惡化前，就算照顧佢有幾困難，我哋都會緊持住。雖然喺香港生活唔容易，我哋未必比到最好嘅照顧給爸爸，但都希望盡力照顧佢以報答養育之恩。」

第 1 頁，共 4 頁